Presentación : Galería de Saldos de Diego Giráldez. Santiago (15/09/2016)


A libraría Cronopios (R/Alfredo Brañas, 24) recibiu, engalanada coma sempre e co compromiso coa literatura que a caracteriza, un novo evento. Neste caso a presentación do libro de Diego Giráldez, Galería de Saldos. O autor non estivo mal acompañado porque, ademais dun público lector con moitas ganas de coñecer algo máis deste libro de relatos, contou coa presenza da escritora e presentadora María Solar, a actriz Nieves Rodríguez e Manuel Bragado en representación de Editorial Xerais de Galicia.

Manuel Bragado foi o encargado de abrir o acto cun discurso no que destacou a fantástica acollida que tivo esta obra tanto a nivel crítico como no público lector. Pese a que a crítica tardou máis do que o autor agardaba en pronunciarse, o resultado é satisfactorio tanto para a editorial pola recompensa dunha aposta firme e acertada, como para o autor, que recolle os froitos dun bo traballo.

Diego Giráldez e María Solar aproveitaron o seu turno de intervención cunha entrevista moi distendida e moi de agradecer para o público. Unha conversa na que as confesións trataron aspectos como : como foi o proceso de creación literaria, a influencia da súa formación en historia da arte no libro, a experiencia de publicar ou o por que do título da novela. Sen dúbida, aspectos que o lector descoñece e sempre escoita con gusto.

Para pechar o acto, Nieves Rodríguez leu un dos capítulos da novela. Unha lectura agarimosa que contribuíu a inmellorable impresión dos lectores que aínda non tiñan o libro nas súas mans.

#PresentaciónseEventos

Soy un párrafo. Haz clic aquí para agregar tu propio texto y edítame. Es muy sencillo.

Goodreads
  • Black Facebook Icon
  • Black Twitter Icon
  • Black Instagram Icon

Versos do día

Suscríbete
Sígueme

«pequena occidental,

confías na historia das palabras

porque nunca puideches confiar na dos homes»

    Alba Cid, Atlas (Galaxia, 2020). (Fragmento)

Premio Nacional de Poesía Xove Miguel Hernández 2020