Recomenda autoras (Novembro 2017)
Dende o meu recuncho na rede penso que é importantísimo dar visibilidade a obra de autoras. A literatura non é un eido alleo ó proceso de invisibilidade e desvalorización que sofre calquera exercicio tanto artístico como laboral da muller. O obxectivo desta iniciativa é darlle visibilidade a obra literaria das mulleres mediante recomendacións dos lectores do meu blogue.
O mes pasado coincidiron dúas fantásticas iniciativas: o día das escritoras e a iniciativa #leoautorasoct. Por iso, neste primeiro “Recomenda autoras” entendo que o protagonista das mulleres ten que ser dobre, polo tanto serán ELAS as que recomenden os primeiros títulos.
Andrea Barreira: Pirata, de María Reimóndez; Rosa Cándida de Audur Ava Olafsdóttir; A señorita Bubble, de Ledicia Costas.
Andrea Jamardo: Beloved, de Toni Morrison; The color purple, de Alice Walker e I know why the caged bird sings, de Maya Angelou.
Andrea Maceiras: Genji Monogatari, de Murasaki Shikibu; Casandra, de Christa Wolf e Out of Afrika, de Karen Blixen (Isak Dinesen).
Antía Yáñez: Maia se va al Amazonas, de Eva Ibbotson; Bibliópatas e Fobólogos, de Emma Pedreira e Tristes Armas, de Marina Mayoral.
Arancha Nogueira: Orlando de Virginia Woolf; The Handmaid's Tale de Margaret Atwood e Nove de María Lado.
Cecilia Fernández: Tan poca vida, de Hanya Yanagihara; Canción dulce, de Leïla Slimani e Sentido y sensibilidad, de Jane Austen.
Crocodilo Astronauta: La Sed, de Paula Bonet; Non hai luz sen escuridade, de Andrea Barreira Freije e El género en disputa, de Judith Butler.
Diana Pastoriza: Letters to My Daughter de Maya Angelou, O Cuarto das Abellas de Antía Otero, And Then There Were None de Agatha Christie.
Eli Ríos: Seique, de Susana Sánchez Aríns; Joquéi, de Matilde Campilho e vem à quinta feira de Filipa Leal.
Iria Misa: Las chicas, de Emma Cline; Not that kind of girl, de Lena Dunham; How to Be a Woman, de Caitlin Moran.
Karla González: Regreso a tu piel, de Luz Gabás; Sueños de Piedra de Iria G. Parente y Selene M.Pascual e El ruiseñor de Kristin Hannah.
Patriza Portopaderne: 22 segundos, de Eva Mejuto; As mans da terra, de Laura Rey Pasadín e Feminismos, de Olga Castro e María Reimóndez.
Raquel Vila-Amado: La ciudad de las damas, de Cristina Pizán; La mujer española, de Emilia Pardo Bazán e Ten o seu punto a fresca rosa de María Xosé Queizán.
Sabela González: Ronja, de Astrid Lindgren; Carol, de Patricia Highsmith e Babyville, de Jane Green.
Tensy Gesteira: Atlas de geografía humana, de Almudena Grandes; Yo misma, supongo, de Natalia Carrero e Na casa da avoa de Marta Dacosta.
Agardo que botedes unha ollada a algún destes libros. Tedes dende clásicos universais, poesía, novela, biografía, e ensaios ou libros de relatos ata historias moito máis exóticas e descoñecidas ou noutras linguas. Lembrade tamén que na páxina da plataforma A Sega tedes recensións e máis recomendacións de obras de mulleres.
Se queres participar na iniciativa en seguintes publicacións so tes que enviar un mail a palabradegatsby@gmail.com con tres obras coa súa correspondente autoría (tentando non repetir) en calquera lingua, xénero literario e formato. É preciso indicar no asunto da mensaxe o rótulo “Recomenda Autoras Decembro”. A convocatoria para decembro está XA aberta a homes, mulleres e menores (co consentimento expreso no mail dos seus pais) e pecha o 13/12/2017. Todas as mensaxes posteriores non se terán en conta para esa convocatoria.
Toda aquela persoa que queira colaborar na proposta (facendo ilustracións ou fotografías, recollendo títulos entre os seus familiares, deseñando un rótulo…) so ten que escribir ó mesmo correo indicándoo no asunto. Calquera cousa é benvida.
Agradecería moitísimo a difusión en redes desta proposta e que vos animedes a participar para que sexa unha constante mensual no blogue.
