I'm busy working on my blog posts. Watch this space!

Please reload

Recensión: Fran Alonso, Street Poems

May 22, 2018

 

Título: Street Poems
Autor: Fran Alonso
Editorial: Xerais

Colección: Sopa de libros
ISBN: 9788491213673
Nº de páxinas: 112 páxs

Sinopse: 

 

Fran Alonso volve sorprender desde a poesía infantil e xuvenil, cunha ollada interdisciplinar, fundindo a frescura e a forza dos versos coa improvisación rebelde da "street art". Este é un libro de poemas inconformistas, críticos, gamberros e combativos; disparos de graffiti que poderían ser escritos nos muros e rapeados con pintura nas paredes, seguindo a estela da arte na rúa, un libro que procura espazos de confluencia entre as artes plásticas e a poesía. Os poemas de "Street Poems", volven mostrarnos un autor atrevido, capaz de actualizar e sacudir o lectorado de poesía infantil e xuvenil.

Volve un dos grandes referentes en poesía infantil da nosa literatura cun libro tan peculiar como "gamberro" no que os xogos entre poesía e artes plásticas abundan e sinalan unha nova dirección posible para o futuro da poesía. Un libro moi dinámico que propón moitos tipos de lectura e intercambia formatos a vontade do autor.

 

En Street Poems as composicións pictórico-poéticas teñen moito de working progress e de traballo en cadea. Fran Alonso presenta a obra dos artistas da street art como inacabada, ou máis ben ampliable, e a poesía como un elemento de liberdade, que se escorre entre os dedos e que é inconformista. "Un globo" que ten vontade propia e que busca voar lonxe dos límites. A arte como liberdade absoluta.

 

Coido que os rapaces atoparán neste libro, que a priori poderá parecer extravagante, unha forma de achegarse a poesía dende outras manifestacións artísticas propias da súa xeración. Con isto teño por intención que este non é un poemario ilustrado,  senón que este libro constrúese mediante a combinación de elementos plásticos e literarios. Os propios lectores poderán ampliar este "xogo artístico" de forma ilimitada introducindo novos elementos. A poesía  de Fran Alonso convida a iso.

 

Creo interesante sinalar que todas as obras teñen sinalados os seus dereitos de autoría e referencias a onde poder atopalas. Para moitos estes "actos vandálicos" dos grafiteiros non son expresións artísticas e penso que acreditar os creadores axuda moito a que os lectores máis novos valoren o contido artístico do seu traballo. Tamén esa xeolocalización permite tecer un mapa literario-urbano de cada unha das cidades que teñen representación neste libro.

 

En resumo, Fran Alonso volve cun libro de poemas que busca achegarse ó público infantil mediante a busca de novos referentes e linguaxes poéticas que fagan do consumo da poesía un xogo, unha experiencia dinámica e, como non, un globo.

 

Share on Facebook
Share on Twitter
Please reload

Please reload

Please reload

Goodreads
  • Black Facebook Icon
  • Black Twitter Icon
  • Black Instagram Icon

Versos do día

Suscríbete
Sígueme

Ese instante que no se olvida
Tan vacío devuelto por las sombras
Tan vacío rechazado por los relojes
Ese pobre instante adoptado por mi ternura
Desnudo desnudo de sangre de alas
Sin ojos para recordar angustias de antaño
Sin labios para recoger el zumo de las violencias
perdidas en el canto de los helados campanarios.

Ampáralo niña ciega de alma
Ponle tus cabellos escarchados por el fuego
Abrázalo pequeña estatua de terror.
Señálale el mundo convulsionado a tus pies
A tus pies donde mueren las golondrinas
Tiritantes de pavor frente al futuro
Dile que los suspiros del mar
Humedecen las únicas palabras
Por las que vale vivir. 

[...]

Alejandra Pizarnik,  A la espera de la oscuridad. (Fragmento)

David González Domínguez

Contacto : palabradegatsby@gmail.com