Recensión: Pedro Feijoo, Camiñar o Vigo vello


Título: Camiñar o Vigo vello Autor: Pedro Feijoo Editorial: Xerais

Colección: Grandes obras>Edicións singulares ISBN: 9788491213260 Nº de páxinas: 184 páxs

Sinopse:

De a cabalo entre os manuais de historia e as guías turísticas, este libro propón un xogo diferente. É certo que, como as guías, vén cos seus planos, mapas e mesmo percorridos propostos. E que, como os libros de historia, tamén conta cun amplo relatorio de anécdotas, memorias, imaxes de época e documentos –nalgúns casos inéditos a día de hoxe–. Pero en realidade este libro é outra cousa...É a carta dun namorado, o convite para saír a camiñar e redescubrir a cidade a través das rúas e prazas do seu barrio vello.

A proposta de coñecer Vigo da man dun paseo que, sobre todo, se fai sen présa, devagar, deixando que os nosos pasos se perdan polo mar de anécdotas e historias que conforman a memoria da cidade. Porque, á fin e ao cabo, esa é a verdade: nada máis hai que saber onde observar con atención para descubrir que entre as luces e sombras da cidade vella aínda permanecen visibles os vestixios das moitas vidas que amalgamaron o Vigo vello. Eis a eterna vila mariñeira, si, pero tamén aqueloutra que os seus veciños defenderon a ferro e lume en máis dunha ocasión, e o Vigo industrial, e o metropolitano, e mais tamén o corsario.

Esta é a proposta que se fai neste libro: saír a camiñar o Vigo vello, e coñecelo de primeira man, a través do seu paseo.

Sabendo que a historia de Vigo é unha gran descoñecida para a meirande parte da súa poboación non é de estrañar que as pequenas historias que agochan algunhas das rúas que os vigueses transitan aínda séxano máis. Camiñar o Vigo vello de Pedro Feijoo é unha desas obras que nacen coa vontade de servir de guía para un paseo profundo e analítico polas rúas da cidade galega.

Sorprendentemente este libro non peca de presentarse como unha obra excesivamente academicista, de corte completamente histórico e cunha narrativa de difícil dixestión. Hai moito do Pedro Feijoo novelista na forma de tecer unha viaxe interesante polas rúas da cidade dunha maneira moi visual e mesmo lúdica. É un libro que chega con facilidade o cidadán e que oculta moreas de horas de lectura e de consulta de documentos cun fantástico traballo de síntese.

Este Camiñar o Vigo vello é a obra de referencia para calquera paseo pola cidade. Un libro que recende a mar, ó Vigo dos nosos antepasados e o duro traballo de compilación de moitísima información para facela accesible para calquera lector. Un agasallo para calquera vigués.

#Recensión

Soy un párrafo. Haz clic aquí para agregar tu propio texto y edítame. Es muy sencillo.

Goodreads
  • Black Facebook Icon
  • Black Twitter Icon
  • Black Instagram Icon

Versos do día

Suscríbete
Sígueme

«pequena occidental,

confías na historia das palabras

porque nunca puideches confiar na dos homes»

    Alba Cid, Atlas (Galaxia, 2020). (Fragmento)

Premio Nacional de Poesía Xove Miguel Hernández 2020