Recensión: J.R.R. Tolkien, O hobbit


Título: O hobbit Autor: J.R.R. Tolkien Editorial: Sushi Books

Traducción: Moisés Barcia ISBN: 9788416884117 Nº de páxinas: 290 páxs

Sinopse:

Ó hobbit Bilbo Bulseiro gústalle a vida cómoda e tranquila do seu burato–hobbit, onde almorza, merenda e cea varias veces ó día. Pero a inesperada visita do mago Gandalf fai espertar no seu interior o espírito aventureiro dos seus devanceiros. Deste xeito ve trascadeada a súa vida cotiá e, sen saber moi ben como, emprende unha longa viaxe con trece ananos barbudos en dirección ás Montañas para recuperar un tesouro roubado polo dragón Smaug, esquecido hai moito tempo.

Edición especial e limitada, en tapa dura e con ilustracións a cor e en branco e negro do propio autor.

Nesta entrada non hai moito de comentario literario pois penso que é complicado dicir nada que non se comentase antes da obra de Tolkien tanto por parte da crítica como polos milleiros de lectores en todo o mundo do clásico autor británico. Aproveito entón para presentarvos este agasallo da editora Sushi Books a todos aqueles que aman as aventuras de Bilbo Bulseiro.

Este libro é unha edición limitada e especial da fantástica obra de Tolkien, xa que inclúe o texto íntegro vertido ó galego por Moisés Barcia e ilustracións en branco e negro feitas polo propio autor. Na parte exterior esta coidadísima edición ten un corpo de cartoné forrado en símil pel e estampación de ouro tanto nos distintivos do libro coma nas inscripcións en élfico que hai na capa.

Non perdades a oportunidade de ler este libro xa non so polo fermoso da edición senón polo necesario cambio de perspectiva que precisan aqueles que non consumiron esta obra literaria e aceptaron por boa a adaptación fílmica, inxusta e non fidedigna, desta gran obra. Agardo que tamén as ventas deste libro colaboren para convencer as editoras en galego da necesidade de traducir más títulos de Tolkien á nosa lingua. Aseguro que ía ter lectores.

#Recensión

Soy un párrafo. Haz clic aquí para agregar tu propio texto y edítame. Es muy sencillo.

Goodreads
  • Black Facebook Icon
  • Black Twitter Icon
  • Black Instagram Icon

Versos do día

Suscríbete
Sígueme

enumerar motivos para debuxar unha balea

 

para crer nun espírito navegante que non temos

para delimitar o medo

para valernos dela na fuxida

para botar de menos unha viaxe

unha en concreto

para debuxar un bazar e disfrazala de elefante

porque teñen a forma das distancias

porque dentro dunha balea o ceo está limpo e non hai dor

para pintala sorrindo e poñerlle flores ou peixiños pequenos

para facer unha metáfora de todas as traxectorias

para que sexa a proa na reconquista da paisaxe

para representar o tamaño da tristeza

para pensar nas palabras coas que explicar o debuxo.

Eduardo Estévez, de baleas 

(Caldeirón, 2017)  

David González Domínguez

Contacto : palabradegatsby@gmail.com