Recensión: María Canosa e Dani Padrón, Caderno de lúas


Título: Caderno de lúas

Autora: María Canosa

Ilustrador: Dani Padrón

Editorial: Bululú

ISBN: 9788491210160

Nº de páxinas: 36 páxs

Sinópse:

Os cadernos gardan letras, números, palabras, historias, contar. Soños. Para ingresar os tesouros que gardan, tes que abrilos e ingresalos. Só entón podemos descubrir desde unha fórmula máxica para atrapar bruxas ás diferentes caras da Lúa. Porque o satélite da Terra non sempre ten o mesmo rostro. Mire atentamente.

O prolífico tándem Canosa-Padrón é o responsable deste libro de tan atractivo publicado por Bululú e orientado cara un público infantil. Un libro de pastas duras que fala dos soños e da necesidade de observar, de descubrir a realidade e os seus elementos dende todas as perspectivas. Un caderno como medio para materializar todo o intanxible e chegar a esencia da beleza dos soños.

Neste libro é preciso destacar, dentro de esta exitosa parella literaria, a Dani Padrón, responsable dunhas ilustracións magníficas que transmiten con sensibilidade e tino o texto de Canosa, menos interesante que noutros dos seus libros mais cun poder evocativo salientable.

Neste vídeo poderedes ver o exemplar en profundidade e coa reprodución dalgunhas das ilustracións. (Fonte: Youtube)

En resumo, Caderno de lúas é unha mostra máis do resultado da necesaria colaboración entre autor e ilustrador para construír un libro atractivo para os máis pequenos e que consigan introducilos na lectura nun mundo abarrotado de estímulos visuais externos como é o noso.

#Recensión

Soy un párrafo. Haz clic aquí para agregar tu propio texto y edítame. Es muy sencillo.

Goodreads
  • Black Facebook Icon
  • Black Twitter Icon
  • Black Instagram Icon

Versos do día

Suscríbete
Sígueme

«pequena occidental,

confías na historia das palabras

porque nunca puideches confiar na dos homes»

    Alba Cid, Atlas (Galaxia, 2020). (Fragmento)

Premio Nacional de Poesía Xove Miguel Hernández 2020