Recensión: Stefano Benni, Margherita Dolcevita


Título: Margherita Dolcevita

Título orixinal: Margherita Dolcevita

Autor: Stefano Benni

Tradutor: Moisés Barcia Editorial: Rinoceronte ISBN: 9788417388140 Nº de páxinas: 230 páxs

Sinopse:

Margherita é unha rapaza de quince anos cunha imaxinación desbordante, moita ironía e inocencia, aínda que sen ser inxenua. Cun corazón defectuoso e algúns quilos de máis, Margherita vive coa súa excéntrica familia nas aforas da cidade, nun lugar poboado por xitanos, inmigrantes ilegais e personaxes que enriquecerán as súas experiencias.

Un bo día constrúen ao lado da súa casa un xigantesco cubo negro. É a casa dos seus novos veciños, aparentemente modélicos, pero que o van arruinar todo.

Literatura infantil e xuvenil é sempre unha etiqueta complexa para outorgar a calquera obra. Xa non so polo público ó que vai dirixido senón polos temas que trata. Teño claro que a literatura é unha das artes que máis posibilidades ofrecen, polo que aínda que tentemos establecer fronteiras, a cousa non é sinxela.

Margherita Dolcevita é un deses libros "totais" con respecto ó público ó que se dirixen. Unha obra da que gozan grandes e pequenos pola gran cantidade de temas que toca e polas lecturas que se atopan dentro deles. Neste libro é posible ler unha historia de aventuras e desventuras dunha rapaza peculiar, ata unha sátira delirante da poboación italiana e das estruturas familiares.

Este aspecto pode aplicarse tamén a linguaxe. Margherita Dolcevita é unha obra que non ten censuras de ningún tipo e que chama as cousas polo que son. Cousa que pode semellar agresiva nun primeiro plano pero que sen dúbida é unha mostra de realidade. Dicir as cousas tal e como son xeran tamén no lector a liberdade de normalizalas. Exemplo disto pode ser a sexualidade adolescente.

En resumo, Margherita Dolcevita é un libro moi entretido e do que todos os públicos poden gozar. Non coñecía a obra de Stefanno Benni e tras a lectura desta obra e de Tierra (Anagrama, 2006)*, coido que pode ser interesante integrar todas as súas obras no sistema literario galego.

*En castelán. Orixinal co título Terra (Feltrinelli, 1983)

#Recensión

Soy un párrafo. Haz clic aquí para agregar tu propio texto y edítame. Es muy sencillo.

Goodreads
  • Black Facebook Icon
  • Black Twitter Icon
  • Black Instagram Icon

Versos do día

Suscríbete
Sígueme

«pequena occidental,

confías na historia das palabras

porque nunca puideches confiar na dos homes»

    Alba Cid, Atlas (Galaxia, 2020). (Fragmento)

Premio Nacional de Poesía Xove Miguel Hernández 2020