Recensión: Knut Hamsun, Fame


Título: Fame

Título orixinal: Sult Autor: Knut Hamsun

Tradutor: Moisés Barcia (dende o inglés) Editorial: Rinoceronte Editora ISBN: 9788417388133 Nº de páxinas: 206 páxs

Sinopse:

O protagonista de Fame está quedando coma un fiúncho debido á miseria, á falta de traballo estable e á situación difícil que atravesa Christiania no século XIX.

Por medio dun monólogo interior, o personaxe introdúcenos na irracionalidade da mente humana dunha maneira intrigante e, ás veces, humorística.

TRADUCIÓN DENDE O INGLÉS DE MOISÉS BARCIA

Fame de Knut Hamsum é unha desas novelas que terían que estar sempre nas listas de imprescindibles. Grazas a tradución de Moisés Barcia, os lectores gozamos dun dos clásicos modernos máis interesantes con respecto a súa premisa e a súa calidade narrativa.

Este é un libro que sen dúbida incomoda ó lector. As páxinas de Fame son un convite por parte de Hamsun a un mundo de completa miseria onde o protagonista tenta sobrevivir pese a todas as adversidades. Na miña opinión é unha historia que ten moito de orgánica pola sensación constante de necesidade que transmite. Vemos o mundo a través dos ollos dun personaxe totalmente irracional e castigado pola necesidade, que reacciona en función dos impulsos máis orgánicos.

En resumo, Fame é unha obra que non se pode ler dende a distancia. Sen dúbida é unha alfaia literaria tanto polo interesante do seu contido, como polo talento narrativo do autor, que transmite a través das palabras un sentimento desacougante de necesidade imperiosa de aferrarse a vida.

#Recensión

Soy un párrafo. Haz clic aquí para agregar tu propio texto y edítame. Es muy sencillo.

Goodreads
  • Black Facebook Icon
  • Black Twitter Icon
  • Black Instagram Icon

Versos do día

Suscríbete
Sígueme

 

 

 

creme

 

se desafío esta fame

é porque vivo con ela.

Regina Touceda, en deriva 

(Espiral Maior, 2020)  (Fragmento)

David González Domínguez

Contacto : palabradegatsby@gmail.com