Recensión: Eduard Velasco, Os días felices de Benvido Seixas


Título: Os días felices de Benvido Seixas Autor: Eduard Velasco Editorial: Xerais ISBN: 9788491210160 Nº de páxinas: 184 páxs

Sinopse:

Bienvenido queda sen tabaco e acaba nun centro sociocultural contrario aos seus intereses de clase. Un home coma el nunca entraría nun sitio coma ese, pero tampouco acabaría pasando a noite con Mariña, a camareira activista que lle serviu a primeira copa de moitas. Desenfreados pola paixón, durante un ano viaxarán por Galicia (das Rías Baixas ao Courel), explorarán os límites dos corpos e as fronteiras das súas conviccións e xogarán coas identidades ata transformárense en persoas insospeitadas nas súas vidas anteriores, para incomprensión e hilaridade do seu círculo máis próximo. Pero quen non estaría disposto a traizoar a memoria familiar para seguir a chamada do desexo? "Os días felices de Benvido Seixas" é unha novela retranqueira, irónica, divertidísima, que enreda cos tópicos da cultura galega para facer un brinde a favor do humor.

Teño que recoñecer que non son un lector interesado na literatura de carácter cómico mais non foi fácil soltar esta divertida novela. Eduard Velasco, quen ata o momento non tiña obra narrativa publicada, é o autor de Os días felices de Benvido Seixas, unha novela irónica e chea de humor cunha critica ácida ó clasismo da sociedade.

Bienvenido e Mariña logran facilmente a simpatía dos lectores porque resultan caricaturas moi sinxelas de dúas persoas que son produto de dous contextos ben distintos. A súa relación é totalmente ilóxica e so funciona pola ilusión que Benvido crea sobre ela, na que exerce un papel case teatral.

Os días felices de Benvido Seixas non é unha novela complicada nin esixe moito ó lector. É unha historia que non peca de innecesariamente artificiosa, que non pasará a historia da literatura, mais cumpre o seu evidente obxectivo, servir de entretemento a un lector que seguramente gozará dela no que queda das súas vacacións de verán.

#Recensión

Soy un párrafo. Haz clic aquí para agregar tu propio texto y edítame. Es muy sencillo.

Goodreads
  • Black Facebook Icon
  • Black Twitter Icon
  • Black Instagram Icon

Versos do día

Suscríbete
Sígueme

«pequena occidental,

confías na historia das palabras

porque nunca puideches confiar na dos homes»

    Alba Cid, Atlas (Galaxia, 2020). (Fragmento)

Premio Nacional de Poesía Xove Miguel Hernández 2020