Recensión: Miriam Ferradáns, Nomes de fume



Título: Nomes de fume

Autora: Miriam Ferradáns

Editorial: Espiral Maior

ISBN: 9788494596742

Nº de páxinas: 49 páxs





Miriam Ferradáns é un dos nomes a ter en conta dentro da constelación da poesía galega recente. Con este libro, Nomes de fume (Espiral Maior, 2017), recibiu o XXX Premio Nacional de Poesía Xosemaría Pérez Parallé. Unha obra composta de poemas breves, na súa maioría, e onde amosa unha sensibilidade e unha reflexión sobre a (co)presenza da dor e do esquecemento, que non deixa indiferente ós que se achegan ós seus versos.


Ningún paxaro é feliz entre as redes pero

quen pode liberarse da forza que o cativa?


A autora debulla neste poemario unha poesía da (in)certeza, unha análise sobre a volatilidade en versos breves, mínimos, que se reciben sen dificultade e quedan na mente do lector para sempre. O fume xorde de todo o que o lume arrasa, como unha dor que se mantén pese a súa aparente invisibilidade. O resultado do que foi e do que queda. Unha metáfora perfecta de todo aquilo que chega para non marchar e que afecta sen ser tanxible.


Temos prohibido o tacto:

¿Sabes ti a diferencia entre corazón e peito?



Eu pronuncio nun cuarto desta casa

o teu nome de fume,

cada noite pronuncio o teu nome de fume

para que esteas presente.



Non podo facer máis que recomendarvos esta obra. Unha lectura moi especial, reflexiva e un dos mellores poemarios que lin nos últimos anos. Coido que non pode existir mellor carta de presentación.


Soy un párrafo. Haz clic aquí para agregar tu propio texto y edítame. Es muy sencillo.

Goodreads
  • Black Facebook Icon
  • Black Twitter Icon
  • Black Instagram Icon

Versos do día

Suscríbete
Sígueme

«pequena occidental,

confías na historia das palabras

porque nunca puideches confiar na dos homes»

    Alba Cid, Atlas (Galaxia, 2020). (Fragmento)

Premio Nacional de Poesía Xove Miguel Hernández 2020