Recensión: Aloysius e Simón Blanco, Carriandola. As abraiantes aventuras de Mariña


Título: Carriandola. As abraiantes aventuras de Mariña

Autores: Aloysius e Simón Blanco

Editorial: Aira

ISBN: 9788412132410

Nº de páxinas: 96 páxs








Sinopse:


Estamos no ano 2020. Mais non no noso 2020. Nesta realidade alternativa, o mundo leva na escuridade 12 anos. Logo do grande apagón, a electricidade desapareceu, talvez para sempre. Galicia vive tempos convulsos, de medo, tebras e fanatismo. Mais algo está a piques de mudar nun recanto da Vía da Prata que se dirixe a Santiago. Mariña, unha nena especial, vivirá unha inesperada aventura na procura da luz. Acompáñanos nesta alucinante viaxe.

A publicación de BD en galego sempre é un motivo de felicidade e de interese como lector deste tipo de obras. No sistema literario galego non sempre existiu un apoio incondicional a este tipo de produtos literarios, tampouco a tradución de BD, polo que non é moi sinxelo consumir cómic galego sen dirixirse as editoras especializadas neste produto. Neste 2020 tan caótico e tráxico, polo menos asistimos ós primeiros movementos das editoras máis importantes do país para publicar este tipo de libros. Coido que Carriandola. As abraiantes aventuras de Mariña é un bo exemplo do talento que hai en Galicia para a BD.


Esta historia de aventuras, publicada simultaneamente en galego, inglés e castelán, é tan divertida como curiosa. É unha historia que parte de referentes coñecidos e sen nada de especial (o camiño de Santiago pola vía da plata, unha nena alérxica e un apagón eléctrico) pero que sen embargo teñen moito que comentar pola súa interpretación: unha nena alérxica ás mentiras, un apagón eléctrico que xa dura unha década e un camiño de Santiago reinterpretado ó puro estilo The last of us ou Mad Max. Todo isto sen renunciar á fantasía e o humor.



A lectura deste libro é como entrar nun parque de atraccións. Moitas veces a acción avanza a moita velocidade e sen grandes pausas e noutras ocasións pode resultar mesmo confusa pola cantidade de feitos e accións que se contan en pouco tempo. Ese xogo cos tempos da historia e a introdución de distintos tipos de humor e sátira na mesma fan das experiencias de Mariña unha historia aditiva e moi divertida. Sen dúbida, unha boca escolla para gozar da súa lectura en familia durante estas festas.



Soy un párrafo. Haz clic aquí para agregar tu propio texto y edítame. Es muy sencillo.

Goodreads
  • Black Facebook Icon
  • Black Twitter Icon
  • Black Instagram Icon

Versos do día

Suscríbete
Sígueme

«pequena occidental,

confías na historia das palabras

porque nunca puideches confiar na dos homes»

    Alba Cid, Atlas (Galaxia, 2020). (Fragmento)

Premio Nacional de Poesía Xove Miguel Hernández 2020

David González Domínguez

Contacto : palabradegatsby@gmail.com